mari jo bakalae!

Day 278, 10:47 • Published in Indonesia Serbia • by andie wicaksono

Woi tamang-tamang, ngoni so dengar itu gosip baru dang? Dua tamang ada ba minta torang pe satu kutu, dorang bilang kata mo itu miming mo pukul kasiang pa dorang. Tuangala jo, ini memang karlota! Batamang deng dewa do’ehh, adoh so nyanda guna dang ini, mari jo polo pa kita. Sapa so kwa yang ada ba minta tolong? E dodo eeehhh, nimbole kase tau disini, mar butul noh itu torang pe birman yang ada minta, itu dang, tu jaga ba makang paniki goreng dengan dabu-dabu er we dang, masih inga tohh....

So itu sekarang bagimana ngoni ini kasiang? Kalamaring kata waktu ada babicara deng tamang-tamang di ye em, torang so mo kase itu parlindungan pa dorang, jadi kalo minggu depan itu torang pe tamang-tamang satu kutu dapa pukul, nanti torang baku bantu pa dorang. Bagoyang pica – pica, ngana pe body, pocoh-pocoh....

Trus depe untung dimana kang? So pasti, torang bole latian baku pukul, kase nae itu skil bakalae, jadi nanti kalo torang yang dorang bage, so jago torang, nyanda mo kalah, so masoso do’eh, pe sadap skali.......

Trus kalo torang ada pake bakujanji resmi, nyanda usah pigi deng kapal terbang, jadi bole ba simpang doi, kong, kalo torang kalah, bole mo maso di rumasaki yang paling top pa dorang pe tampa.

Jadi bagimana ini? manjo torang bage jo pa dorang, kase tau neh di komen.

Supaya itu yang ada badudu deng ba roko di plafon dapa dengar, okeeehh....

[a url=http://www.erepublik.com/article-556441.html]jowo[/a]