Join the new world

Ова мало парче земја својата убавина и вредност ја потврдува гордеејќи се со сето она што може да се најде на нејзино тло, а за дел од убавините и историските факти дел од нас можеби и никогаш не слушнале. Иако има многу повеќе, се одлучивме да ве запознаеме со десетте работи за нашата преубава земја кои можеби не сте ги знаеле.

1. Единственото европско наоѓалиште на рубини се наоѓа во Македонија
Нашиот рубин е скапоцен камен, што го нема никој од соседните земји, а ниту во Европа нема значајни лежишта со интересен квалитет. Рубини во Македонија има и може да се најдат во лежиштата на доломитските мермери како што е прилепскиот сивец.
Во самиот мермер во рудникот "Сивец" се сретнува еден од многу ретките драги камења, а тоа е корундот (Al2O3), кој по својата боја спаѓа во групата на најценетите и најбараните рубини.
Обработен корунд добива голема комерцијална вредност и комерцијално име "рубин" што се користи во бижутеријата за изработка на накити и други украси.

2. Рудникот Алшар
Алшар е рудник на планината Кожуф во кој за првпат е откриен талиумовиот минерал лорандит. Tалиумот е цврст сив метал и е токсичен. Употребуван е во електронската индустрија и за изработка на стакло.
Во “Алшар” досега се регистрирани десетици видови минерали. Од нив дури седум ги има само во Македонија, а за најзначен се смета - лорандитот. Тој е редок минерал со кој се смета дека би можело да се дојде до бесплатна енергија.
Од 2004 год рудникот е евидентиран како споменик на природата и дел од мрежата на “Емералд” - мрежата за заштита на природните реткости.

3. Македонскиот опиум е најквалитетeн во светот
Македонскиот опиум со 14 морфиски единици е најквалитетен на светот, двојно побогат од пакистанскиот опиум кој е со 7 морфиски единици и се наоѓа на второто место.
Уште во средновековието, македонскиот афион бил испраќан кон Солун по Вардар од пристаништето во Велес и по Црна од пристаништето во Росоман. Од Солун тој бил испраќан ширум светот.

4. Пештерата Пешна
Замокот изграден внатре во пештерата изгледа слично на Хелмс Дип од "Господарот на прстените". Во „Њујорк тајмс“ Пешна е опишана како идентична на измислените пештери во „Господарот на прстените“.
Таа се наоѓа на неколку километри од Македонски Брод, покрај патот за Самоков. Според спелеолозите, Пешна има најголем влезен отвор на Балканот. Таваницата на отворот има висина од 30 метри. Нејзиниот влез е измерен со значителните димензии 16,8 х 52,4 м.

5. Делови од крстот на кој е распнат Исус Христос има во Македонија
Во темелите на манастирот “Св. Богородица Пречиста” ( Кичевско ) има дел од крстот на кој е распнат Исус Христос. Во внатрешноста на црквата пак има извор со лековита вода од која спасение наоѓале многу паталци од разни болести и проблеми.
Дел од крстот има и во темелите на манастирот “Св. Јован Бигорски” како и во манастирот “Св. Георгиј Победоносец” во с. Рајчица. Дебарско.
Пронаоѓањето и разделувањето на чесниот крст се случило во времето на “Св. Константин и Елена”. Го пронаоѓа царицата Елена која се упатила лично и со голема придружба да го најде во местото на распетието.
Евреите не го кажувале местото каде е закопан крстот, па Елена успеала од еден старец да ја извлече информацијата за вистинската локација.
- Таму навистина ги нашле трите крста – едниот на кој е распнат Исус и двата на кои се распнати двајцата разбојници а кој е вистинскиот, набргу се дознало. Имено Елена и придружбата ги распоредиле трите крста пред кои поминувала поворка со умрен кој требало да се погреби. Минувајќи ги двата крста не се случило ништо на кога умрениот минувал крај третиот крст, се случило чудо. Тој оживел, што било јасен знак за сите присутни, дека е тоа навистина чесниот крст. По ова Елена го носи во столнината и од каде подоцна патријархот Кирил Ерусалимски како најголеми световни реликти разделува стотици парчиња од него за да го чуваат и закрепуваат темелот на Христијанските храмови и вера. Така и се случило да дел од нив дојдат и во Македонија како што сведочат Повелбите за овие три манастири.

6. Неолитската тумба во Чаир
Неолитската тумба во Чаир, покрај неолитската тумба во Маџари и неолитската населба на Скопската Тврдина, уште еднаш го потврдува сознанието дека животот во Скопје континуирано трае најмалку 7000 - 8000 години.

7. 120-те кукли во Куклица се стари 10 милиони години
Научниците велат дека камените фигури се создале пред 10 милиони години, кога се уште немало луѓе на планетата. Вертикалната ерозија на вулканските карпи создала "кукли" повисоки од десет метри, кои и денес доминираат во питомата околина. Со тек на времето природата од нив извајала ретки ремек-дела. Како и да е, ваква "свадба" нема никаде на светот и ова место е заштитено од Агенцијата за природни реткости при Министерството за животна средина. Нешто слично има само во Србија, во местото Ѓавоља Варош.

8. Преживеал единствениот Македонец од Титаник
Стојко Додоловски од село Чучер - Скопска Црна Гора е еден од преживеаните од Титаник.
Додоловски едвај успел да купи билет во последен час и тоа од еден поп кој иако купил бил спречен да појде, па му го препродал на Додоловски. Судирот на бродот и ледот е ноќта спроти 15 април 1912 год., Додоловски успеал да дофати еден појас и рипне од 15 метарската височина.
Закачен за еден превртен чамец во мигот кога океанот почнал да го влече кон океанот напуштен и од последните сили, го наоѓа офицерот Лоу единствениот од таа ноќ вреден за почит кој со чамец ги собирал преживеаните подоцна. Еден од 12-мината спасени од Лоу бил и нашиот Македонец.

9. Лесновскиот Манастир е прва монашка република на Балканот
Во него постоело книжевно училиште – “Лесновски скрипторум” и тоа уште од половината на XI век но и калиграфско ( препишувачко) формирано во XIII век.
Се до 40-тите години од XIX век во манастирот се наоѓала и најголемата библиотека на Балканот, со огромен фонд на книги и ракописи собирани од најстарите времиња и најдалечни краеви, но и создавани тука на автохтоното македонско подрачје.
Манастирското пошироко подрачје имало свои имоти, стада, пчели, ниви, млекари и се што треба да може да се издржува сето монаштво и помошен персонал. Токму ова Лесновскиот манастир го прави прва монашка република на Балканот.

10. Палестинската химна е напишана од Македонец
Најпознатата песна за Палестина и нивна химна е всушност напишана од Македонец. Панде Манолов, новинар и писател од Битола напиша песна за Палестина во далечната 1982 год. и ја објави во весникот Нова Македониа и денес истата е химна на Арапскиот свет.

превземено од kurir.mk
шаутирајте:
Топ 10 непознати факти за Македонија!
http://www.erepublik.com/en/article/-10-1-1903462/1/20