"ცოტა რამ საქართველოს შესახებ"

Day 2,855, 09:54 • Published in Georgia Georgia • by Mr Nijaradze

თანამედროვე საქართველო პატარა სახელმწიფოა, რომლის მოსახლეობაც დაახლოებით 4,5 მილიონს შეადგენს. იგი შავ და კასპიის ზღვებს შორის მდებარეობს: ევროპისა და აზიის გასაყარზე. საქართველოს ტერიტორია 69 700 კვ. კილომეტრია.

საქართველო უძველესი ისტორიისა და კულტურის მქონე ქვეყანაა. ისტორიული ჩანაწერები საქართველოზე 4 ათას წელს ითვლის. ქვეყანას უნიკალური, ქართული დამწერლობა გააჩნია, რომელიც ჩვენი წელთაღრიცხვამდე მეხუთე საუკუნეში შემოიღეს; ქართული ენა დამოუკიდებელ ენობრივ ჯგუფსაც ქმნის. საქართველო არის ერთ-ერთი პირველი იმ ქვეყანებს შორის, სადაც ქრისტიანობა სახელმწიფო რელიგიად მეოთხე საუკუნის პირველ ნახევარში გამოაცხადეს.

საქართველოს მღელვარე ისტორია განაპირობა მისმა გეოგრაფიულმა მდებარეობამ – დიდ და მცირე კავკასიონის ქედებს შორის. ეს ვეებერთელა ბუნებრივი ბარიერები, რომლებიც შავ და კასპიის ზღვებს შორის გადაჭიმულა, ჩრდილოეთითა და სამხრეთით მდებარე მიწის დიდ მასივებს რამდენიმე გასასვლელით უკავშირდება. სწორედ ამის გამო იზიდავდა საუკუნეების მანძილზე საქართველო მრავალრიცხოვან დამპყრობლებს. ისტორიის მანძილზე, საქართველო ხშირად ყოფილა სპარსეთის, ოსმალეთის, ბიზანტიისა და რომის იმპერიის დაპირისპირების ობიექტი მანამ, სანამ 19-ე საუკუნეში რუსეთმა არ მოახდინა ქვეყნის ანექსია.
დამივოუთეთ 🙂 და დამასუბსქრაიბეთ :დ

რამდენადაც თავისი ისტორიის დიდი ნაწილი საქართველომ უცხოელი დამპყრობლების მმართველობის ქვეშ გაატარა, მას თანამედროვე თვითმმართველობის საკმაოდ მცირე გამოცდილება აქვს, თუ არ ჩავთვლით მენშევიკური მთავრობის მმართველობის მოკლე პერიოდს 1918-1921 წლებში.

საბჭოთა პერიოდში, 1921-1991 წლებში საქართველო საბჭოთა ეკონომიკაში იყო ინტეგრირებული და წარმოადგენდა განვითარებულ აგრარულ-ინდუსტრიულ რესპუბლიკას და საბჭოთა კავშირის ძირითად ტურისტულ რეგიონს – მთელს კავშირში განთქმული ქართული ღვინით, სათხილამურო სპორტით, შავი ზღვითა და გამაჯანსაღებელი კურორტებით.

საბჭოთა კავშირის დაშლისა და 1991 წელს დამოუკიდებლობის გამოცხადების შემდეგ, საქართველომ გადაიტანა შეიარაღებული კონფლიქტები 1992-93 წლებში, მშვიდობიანი ვარდების რევოლუცია 2003 წელს და შეიარაღებული კონფლიქტი რუსეთთან 2008 წელს. მისმა ორმა ყოფილმა ავტონომიურმა წარმონაქმნმა - აფხაზეთმა და ე.წ. სამხრეთ ოსეთმა - დამოუკიდებლობა გამოაცხადეს.

2012 წლის საპარლამენტო არჩევნებმა დაადასტურა საქართველოს, როგორც სახელმწიფოს უნარი, ჩაატაროს დემოკრატიული არჩევნები და მოახდინოს ძალაუფლების მშვიდობიანად გადაცემა.


სტატისტიკა

დედაქალაქი

თბილისი

ფართობი (კვ.კმ)

69,700

მოსახლეობა

4,497.6 [2002 წლის აღწერის მიხედვით, ეთნიკურად ქართველი - 83.8 პროცენტი, აზერბაიჯანელები 6.5, სომხები 5.7, რუსები- 1.5 , ხოლო სხვა უმციროსობები- 2.5 პროცენტი].

ენა

ქართული, აფხაზური

სიღარიბის მაჩვენებელი

9.2%

შემოსავალი ერთ სულ მოსახლეზე

597.6 ლარი

ჰუმანური განვითარების ინდექსი

0.733

წყარო: საქართველოს ეროვნული სტატისტიკის ბიურო ჰუმანური განვითარების ანგარიში 2012/2013