Што Ви вреди животот ако....TashaMKD

Day 3,155, 02:41 • Published in North Macedonia Nigeria • by Princess of Nigeria

Што Ви вреди животот ако....


- Докторе, може да ми кажете каква и е состојбата, Ве молам?
- Видете господине, ова тешко е да се каже... Нејзиниот организам не реагира на лековите. Како да ги отфрла.
- А плазмофереза? Ете Докторе, јас читав. Цела ноќ читав. Цел месец. Ете, видете. Земете од мојата крв. Целата извадете ја, ставете и ја нејзе. Ве молам, Докторе...
- Ама чекајте, не е тоа, туку така. Нејзиното срце...
- Срцето? Еве моето, Докторе. Моето ставете и го. Јас имам јако срце. Што ќе ми е срцето, без неа? Ќе има ли потреба да чука, Докторе? Знаете, во војска кога бев, си го проверував срцето, здраво е...
- Ама чекајте, господине. Таа има проблем и со мускулатурата. Нејзините раце, нозе...
- Раце, нозе...? Ете, земете ги моите, Докторе. Ве молам. Што ќе ми се мене рацете, ако ја немам неа, за да ја гушкам. Што ќе ми се нозете, ако знам дека таа не е дома, да ме чека, за да истрчам, да одам право дома, да и го пробам јадењето, да и кажам колку е вкусно. Знаете ли, Докторе, таа го прави највкуснито јадење, што воопшто некогаш го имате пробано...
- Смирете се, господине. Ве замолувам. Ќе ја излечиме. Ќе направиме се што е во нашата моќ, за таа пак да може да Ви ги прави вкусните јадења. Ни требате смирен. Само, после операцијата, неа ќе и треба мир, да не се нервира, здрава исхрана...
- Ако, Докторе. Ако. Се што треба, напишете ми овде. Ќе ја чувам како Ангел. Ќе и' купам секаква храна. Ете, Ви ветувам, ништо нема да и' фали. Само, таа да биде добро, Докторе.
- Вие, господине, многу ја сакате Вашата сопруга, нели? Браво! Тоа навистина е за пофалба.

- Дали ја сакам? Малку е тоа, Докторе. Малку е. Животот би го дал за неа. Среќата би отишол да и ја донесам. Би и ја подарил сета љубов на овој Свет. Само за да ме држи за рака. Знаете ли, докторе, што Ви вреди животот ако немаш за кого да умреш? Ако немаш, некој да те држи за рака кога умираш. Да гледаш, како плаче за тебе. Знаете ли, Докторе?

превземено од нет