[ S T R ] еМАКЕДОНИЈА во пубертет

Day 1,205, 15:28 • Published in North Macedonia North Macedonia • by Strumjanin



Денес, драги мои, ме напнавте максимално. 🙂

Не се лутам бидејќи се добро се заврши, но еве сакам да си “направам муабет” со сите вас и да си кажам што ми лежи на срцето. Затоа си пишувам на личниот весник, бидејќи ова не е некое официјално соопштение туку наша неформална комуникација : јас преку текстов, а вие преку коментарите под него.

Вечер истекува нашиот закон за природен непријател. Веднаш потоа Србија ќе пушти закон за потпишување мир (24 часа), по што и нашиот Конгрес ќе гласа за ист таков закон (уште 24 часа). За да не се бориме пак како денеска – тие ќе не нападнат по автоматизам дури утре. Ќе се потрудиме максимално да ја развлечеме битката за да нема потреба за нов наш напад до конечното затворање на војната (48 часа од полноќ вечерва). Потоа ги обновуваме Договорите со сојузниците и малку одмараме. Кој нема фатено мисија – утре тоа ќе може да го направи – т.е. утре е третиот дена за борење редом.


Овие денови сфатив едно – влеговме во пубертет 🙂 И тоа колективно. Нема место за лутење, само не смееме да правиме премногу пубертетсски грешки. По еден-два џоинта може да испафкаме, ама да не преминеме и на игла...


Зошто велам дека влеговме во пубертет? Во изминативе 24 часа направивме 14 милиона штета! Наш рекорд! Значи веќе не сме еБебиња. Редовно, според бројот на борци и работници, сме во првите три земји во еСветот. Ова се бројки достојни за почит и гордост !


Арно ама и однесувањето ни е малку тинејџерско. Токму заради тоа денес , благо кажано, ПУКНАВ! 🙂


Не можеше да се ставиме под контрола и да не ја добиеме борбата против Србија. Моравме да тенкуваме против самите себе за да не и наштетиме на Србија која беше растргната на повеќе фронтови. Сепак, Србија е Србија и е силна, ама кога им е тешко, не им требаше и нашето неконтролирано однесување.


Сабајле пуштив над 100 извика. Една статија напишав, друга корегирав. Пратив над 100 пораки до нашиве да не маваат против Србија. Требаше да одам на еден состанок РЛ – заебав работа – едноставно не ми се напушташе компјутерот. Две битки сепак добивме (а не требаше) и покрај сите мои усилија.


Конечно после пладне се појавија на видик некои сериозни луѓе кои ми помогнаа многу. Камен ми падна од срце кога го видов Лазароса како удира. И Драш многу помогна. Одличен впечаток ми оставија и СС : од моментот кога разговарав со Демигод , за пола саат на чат се појавија 20тина момци кои и тоа како помогнаа да се земе битката. Аминта се откорна од делење лебови, карти и што ли уште не. Панцер ми докажаа колку силна екипа се – секоја чест! Претходната ноќ, во пет сабајле, битката ја спасија Слајдер и Cyril of Macedon (а и јас мавнав малце со мојата скромна штета 😛 ) Јас немам друг начин да им заблагодарам на овие луѓе освен јавно да речам дека се трудат за еМакедонија и кога ми беше најтешко – ми помогнаа. Им се заблагодарувам и им се поклонувам ним и на сите други кои ги следеа наредбите и упатствата !


До другите – ВЕ МОЛАМ за повеќе ред и дисциплина. Јас знам во каква држава ние живееме и какви успеваат кај нас. Но браќа, барем тука научете се што е тоа државотворност – ништо нема да изгубите. Платете го тој ебен виртуелен данок, следете ги упатствата и имајте почит кон државата - ВАША Е! Нам сето тоа ни фали во реалноста, но дајте барем тука во играва барем пробајте. Не си играјте на монетарниот пазар, не се замарајте со политика и кавги. Ги гледам другиве држави зошто пропаѓаат. Само едно – ВНАТРЕШНИ КАВГИ. Земете ја Турција за лош пример. Ајде да покажеме широкоградност бар овде – ништо нема да изгубиме!

Јас го сакам својот народ и не му наоѓам маани. Ама знам дека можеме подобро од ова. И тоа подобро на сите ќе ни годи! Ќе направи да ја уживаме играва и да станеме моќна држава!


За крај, ги репостирам 10те заповеди – мислам дека ни требаат да се потсетиме.


Добра ноќ и бидете ми здрави и весели!

Ваш,
Струмјанин



1. РАБОТИ СЕКОЈДНЕВНО СО 100 ЗДРАВЈЕ.


2. НЕ СЕ БОРИ ПРЕД ДА ДОСТИГНЕШ 15то НИВО.


3. КУПУВАЈ САМО МАКЕДОНСКИ ПРОИЗВОДИ.


4. НА МОНЕТАРНИОТ ПАЗАР, КУПУВАЈ/ПРОДАВАЈ ДЕНАРИ/ЗЛАТО САМО ОД МИНИСТЕРСТВОТО ЗА ЕКОНОМИЈА ИЛИ ОД ДРУГИ еМАКЕДОНЦИ.


5. ПРЕТПЛАТИ СЕ НА СИТЕ МАКЕДОНСКИ ВЕСНИЦИ.


6. СЛЕДИ ГИ НАРЕДБИТЕ НА МИНИСТЕРСТВОТО ЗА ОДБРАНА.


7. БОРИ СЕ ВО ПОСЛЕДНИТЕ 5 МИНУТИ ОД БИТКИТЕ.


8. АКО КОРИСТИШ БУСТЕР – КОРИСТИ ГО ТОЈ ОД 50%.


9. КОГА НЕШТО НЕ ТИ Е ЈАСНО, УЧИ ОД ТУТОРИЈАЛИТЕ НА МИН. ЗА ОБРАЗОВАНИЕ КАДЕ ИНФОРМАЦИИТЕ СЕ ТОЧНИ И ПРОВЕРЕНИ.


10. УЖИВАЈ ВО ИГРАВА И НЕ ИМ ЈА ЗГОРЧУВАЈ НА ОСТАНАТИТЕ еМАКЕДОНЦИ. САМО НА ГРЦИТЕ 😛