Џон Ленон е жив и уапсен во Бразил?!
![North Macedonia](http://www.erepublik.net/images/flags_png/S/North-Macedonia.png)
Stoilkovski Darko
Бразилската полиција изминативе неколку дена се соочила со несекојдневни случаи, кои по малку ги збуниле сите. Имено, за само неколку дена полицајците уапсиле четворица криминалци чие име е Џон Ленон
Најмладиот бразилски „Битлс“ има 19 години, чие полно име е Џон Ленон Рибеиро Сикуера. Тој е уапсен кога се обидел да ограби една експозитура на државната лотарија. За разлика од него, 22-годишниот Џон Ленон Фонцеса Фереира, кој е еден од најбараните криминалци во Бразил, бил уапсен за време на грабеж на една приватна куќа. Неговиот генерациски побратим според името и според „занаетот“, Џон Ленон Камаргос Гомез е уапсен под обвинение дека убил пет лица. Покрај тоа, бразилските полицајци деновиве нашле и тело на убиен човек во еден автомобил и по идентификацијата се утврдило дека станува збор за Џон Ленон Себастијан да Силва.
Според некои психолози, зачестеното име на славниот некогашен водач на „Битлси“ меѓу народот во Бразил е одраз на големата популарност на ливерпулските „бубачки“. Тие сметаат дека родителите на овие бразилски Ленони своевремено биле големи обожаватели на „Битлси“ и поради тоа на своите деца им го дале тоа име.
Comments