【講故台】序章《凍》．第二集

Day 1,803, 00:10 • Published in China North Korea • by Bloody hands

今個月係國會選舉，高登黨得十五席位。
感謝各位嘅神聖一票！

是咁的，
我地相戀嘅時間唔係太長，但除左我老母之外，佢絕對係影響得我最深嘅女人。
當我面對佢嘅時候，發現佢係我眼中永遠都係一個小朋友。
呢到講嘅唔係外貌，唔係思想，唔係行為，而係覺得佢係一個你會用一輩子時間去留意，去保護嘅人。
相信好多男人心入面都曾經有過一個"小朋友"。

我的初戀...

記得由小學雞到中學雞，我都係一條毒撚。
雖然唔係每一個人都會針對毒撚，但佢就係專門恰我地喱d小毒撚。

佢係邊個？
初初認識佢嘅時候，佢嘅樣貌都唔係太起眼。
但隨住時間嘅流逝，佢竟然成為一個校花級嘅美女，而且身邊總係圍繞住一堆高年級嘅師兄。
佢個名叫AA。
同好多靚女一樣，AA身邊都有一個好姊妹，叫BB。
同其他靚女唔同嘅係，AA嘅好姊妹BB其實樣貌都唔差，都有唔少男仔追。

好似有人咁樣講過，女仔永遠比同年嘅男仔成熟。
但，佢係一個癲癲喪喪嘅女仔，成熟同佢拉唔上任何關係。
年中被AA同BB恰嘅毒撚不計其數，佢地都叫毒撚們聞風喪膽。

初中三年我都同AA同班，可以話比佢恰足咁多年。
射馬纸，掉擦膠碎哩D小學雞野，都係小事。
總之講得出嘅佢都做得出。
佢重會拎本書黎拍人袋袋...男人最痛...
雖然我有時都會扯返佢條馬尾仔，但，只係有時...
初中頭兩年除左上堂之外，就係咁樣過。

去到初中嘅最後一年。
一開學，好死唔死個班主任就編左我同佢坐。
我心諗: 金翅仆街鳥，一定有排受...

最記得有一次數學堂，佢用左個好奸險嘅眼神望住我，我都心知不妙架啦。
過左五分鐘之後，佢就捉住我隻手臂咬左落去...
真係好痛... 但係我又唔敢叫出聲黎...
佢咬完之後講左句: 我鍾意咬蘋果！
完全唔明咩意思...
如是者，佢幾日就咬我一次，咬到我右手手臂瘀哂...

終於都捱過左一個月。
因為一個月調一次位，我心諗: 得救鳥，終於可以脫離魔女掌心。
班主任就比左個位我坐底，我記得係第二行第四個位。
之後到第三行。
陳Sir: _ _ _ ，你坐第四個位。
仆街！心諗:阿Sir，你唔撚係玩野阿嘛...
調完位之後我都重係同AA坐，咁我嘅黑暗日子又繼續落去...

是咁的，有一日，係下雨天。
我地學校初中三年都係要留校食lunch的。
到左lunch time，我就去左拎盒飯坐低同其他毒撚們食飯。
當我埋頭苦幹食緊飯嘅時候，
突然，我身後就出現左個高年級校花。

高年級校花: 喂，血手...

血手 (Day 1803)