[Lisowczyki] Za volnaść našu i vašu!

Day 2,224, 03:08 • Published in Belarus Belarus • by Mikita22


Stary Olsa - Litvin

Dabrydzień, jahamości! Ad siońnia mnoju, hietmanam lisoŭčykaŭ Čornym Wojnaj, abviaščajecca nabor u šerahi bajcoŭ majho atradu. Lisoŭčyki — heta nierehularnyja padraździaleńni lohkaje kavaleryi adnoj z najbuniejšych eŭrapiejskich dziaržavaj svajho času Rečy Paspalitaje, što byli stvoranyja talenavitym vajarom ź Vilenščyny Alaksandram Jazepam Lisoŭskim.
Lisoŭčyki mieli šyrokuju viadomaść pa ŭsioj Eŭropie, bo prymali ŭdzieł u najviadomiejšych vajskovych kanfliktach: u vajnie Rečy Paspalitaj z Maskovijaj, Tryccacihadovaj vajnie, u bitvach suprać turkaŭ-asmanaŭ. Tahačasnyja histaryčnyja krynicy charaktaryzujuć lisoŭčykaŭ nadzvyčaj sprytnymi, vajaŭničymi i kryvažernymi.
Rembrant «Lisoŭčyk»

Uviesnu 1610 hodu farmavańni Lisoŭskaha i atrad kazackaha atamana Andreja Prusavieckaha ździejśnili hłyboki rejd u tył maskoŭskaje dziaržavy, dzie zdoleli zachapić Rastoŭ, Kalazin, Kašyn, ačyścili Pskoŭ ad maskavitaŭ. Lisoŭčyki pakazali siabie niezamiennymi ŭ abaronie Smalensku ŭ 1612 hodzie, kali bolšaja častka rehularnaha vojska Rečy Paspalitaj uzbuntavałasia. Ciaham troch nastupnych hod lisoŭčyki adyhryvali istotnuju rolu ŭ abaronie miežaŭ Rečy Paspalitaj ad maskoŭskich vojskaŭ.
U 1615 hodzie Lisoŭski sa svaimi atradami ŭvarvaŭsia ŭ Maskoŭskuju dziaržavu, abłažyŭ Bransk i raźbiŭ pad Karačavam atrady kniazia Juryja Šachoŭskaha, jakija pryjšli na dapamohu abłožanym. Uvosień 1615 hodu Lisoŭski raźbiŭ avanhard vojska kniazia Dźmitryja Pažarskaha pad Arłovym haradziščam. Nieŭzabavie lisoŭčyki spalili Bialoŭ i Lichvin, zachapili Pieramyšl, zatym, paviarnuŭšy na poŭnač, razhramili maskoŭskaje vojska Šaramiecieva pad Rževam, paśla rušyli da Karskaha mora.
Julijuš Kosak «Lisoŭčyki na Rejnie»

Zachavalisia paŭlehiendarnyja źviestki pra ichnija pachody daloka na poŭnač, da bierahoŭ Biełaha mora i navat da vuścia raki Ob u pošukach słavutaj Załatoj baby - pahanskaha stoda, jakomu pakłanialisia vuhra-finskija narody Poŭnačy.

U 1616 hodzie lisoŭčyki zachapili Kursk i raźbili maskoŭskija vojski pad Bołchavam. U 1617 hodzie jany zaścierahli Smalensk ad napadu maskavitaŭ: tyja adyšli ad Smalensku, jak tolki daviedalisia, što lisoŭčyki mieškajuć pablizu.
Lehiendarny atrad viartajecca ŭ rodnuju Biełaruś! Nam abyjakava ź jakoj ty krainy i jaki maješ uzrovień - kali možaš trymać zbroju ŭ rukach dy choć niejak parazumiecca z tavaryšami, to vybiraj adzin z varyjantaŭ našaje formy "Kryły Volnaści" i dałučajsia da lisoŭčykaŭ:



My nie vykarystoŭvajem ramki, ale prapanujem achvotnikam padkreślić svaju indyvidualnaść raźmieścić pieršuju litaru svajho imieni na atradnym tarku albo samastojna prydbać sabie avatarku pa pošukavym zapycie "lisowczycy":


Kožny lisoŭčyk pa trapleńni ŭ atrad atrymaje smačnaje ježy j naviutkich tankaŭ. Rehularnaja padtrymka z boku hietmana harantujecca, irrehularnaja padtrymka z boku tavaryšaŭ vitajecca. Botaŭ i multoŭ — na nažy!

Planujecca stvareńnie polskaje filii atradu, kab lisoŭčyki mieli mahčymaść adznačycca ŭ bajach za bratniuju nam krainu i atrymać vajskovy dośvied najvažniejšych bitvaŭ e-śvietu.

Hietman lisoŭčykaŭ Čorny Wojna