Кратка проповед за човечноста [ STR ]

Day 1,283, 03:09 • Published in North Macedonia North Macedonia • by Strumjanin




Не сакам да критикувам јавно. Уште кога ја прочитав ‘Amicum in secreto mone, palam lauda’ во прва година средно, ја запаметив оваа мудрост и ја внесов во моето однесување. За оние кои не учеле латински, преводот гласи „Пријателот критикувај го во тајност, а јавно пофали го.” Сите вас Ве имам за еПријатели и не би сакал никого да го критикувам јавно. Но дозволете да споменам уште еден цитат кој исто така е дел од моето однесување:


“Criticism may not be agreeable, but it is necessary. It fulfills the same function as pain in the human body. It calls attention to an unhealthy state of things.”


„Критикувањето можеби не е допадливо, но е потребно. Тоа ја врши истата улога како и болката во човековото тело. Го скренува нашето внимание кон нездравите нешта”.


Затоа и би сакал да скренам внимание кон некои нездрави работи во нашето еОпштество, па и РЛ. Вие пред се’ сте млади луѓе, и вредностите и принципите кои ги имате ќе Ви го обојат животот и цело искуство. Затоа не треба да ја прифатите моменталната корумпираност на македонското општество, туку треба силно да се борите против неа. Сакам да скренам внимание на т.н. појава на ‘купување гласови’.


Оваа е многу сериозен проблем. Толку сериозен што немам доволно силни зборови за да Ви ја опишам мојата згрозеност. Борец сум по природа, па затоа не велам дека сум разочаран, иако не е далеку ни тоа чувство.


Појавата ‘купување гласови’ е најдобар показател дека немаме свест за демократско општество и самостојно владеење. Човек кој го продава својот глас значи дека нема достоинство, нема самопочит. Тоа е празен човек кој може да биде купен за еден виртуелен тенк, денар, златник. Таков човек не може да биде горд Македонец! Може да биде добар предавник бидејќи лесно се продава, ама не може да биде и горд Македонец!


Не мислете дека ова е малку и незначително, па дури и небитно. НЕ! МНОГУ Е ВАЖНО! Како што рекол Исус ‘верниот во малку, ќе биде верен и во многу’. Ако некој вас Ве купил со виртуелна пара, секако дека утре ќе Ве купи и со други нешта. НЕ СИ ЈА ДОЗВОЛУВАЈТЕ ТАА ДЕГРАДАЦИЈА! Никој не може да го понижи човека, освен ако тој самиот не прифати!


Млади сте, ви се случуваат грешки. И добро е да има грешки, се‘ додека УЧИТЕ од нив!


Верувајте, тие ситни работи, како оваа со продавање на виртуелен глас, тоа се ситни црви во вашиот карактер! Сега мислите дека се мали и занемарливи, ама ќе ве изедат одвнатре и ќе ве сторат ѓубре од човек пред да осознаете и пред да биде предоцна. За пример би Ви го дал пушењето трева. Самата трева не е штетна, но концептот на дрога и можноста утре да преминете на нешто посилно, тоа ја прави тревата опасна, а не хемикалиите кои се во неа.


Затоа, тие ситни црви кои Ви ги наметнува нашето пропаднато денешно општество, не ги прифаќајте. Убијте ги! Кога нареден пат некој ќе Ви понуди да му го продадете својот глас – кажете му дека тоа ве НАВРЕДУВА како човек. И дека треба да се засрами и тој и повеќе да не прави така.


Ние како православни христијани веруваме во прошка и поправање. Веруваме дека можеме да бидеме подобри! Веруваме дека секому ќе му простиме ако ја сфати својата грешка. Затоа Ве повикувам тоа и да го направиме.


Немојте деца да се труете од млади години. Не купувајте гласови, не продавајте гласови. Вие МОРА да сте подобри од денешните политичари, инаку кому му ја oставаме Македонија!? Вие МОРА да се почитувате самите себе ПОВЕЌЕ!


Да се биде добар Македонец – не значи да се удираме во гради и да се дереме како горили дека сме некој и нешто.
НАШЕТО ОДНЕСУВАЊЕ треба да е ГРОМОГЛАСНО, да грми, да мава како ВЕДА. Само добар ЧОВЕК може да е добар Македонец. Ѓубре кое продава/купува гласови слободно нека си земе бугарски пасош или нека оди азилант во Белгија.


Подобра Македонија почнува со секој од нас поединечно. Дали тоа ќе биде Македонија на бараби и преваранти, или Македонија на луѓе со достоинство и збор – од секој од нас зависи.


Градејќи се себе си – ти ја градиш Македонија. Чесна и просперитетна, или нечесна и корумпирана .... изборот е ТВОЈ.


Поздрав,


Струмјанин