مهم جدا للاعب الجديد
Antonis HAF
السلام عليكم
فى المقال ده هوضح حاجات مهمة لكل لاعب جديد
اولا الحروب اللى بين مصر وقبرص واليونان دى حروب تدريبية
يعنى ايه حرب تدريبية يعنى مثلا اليونان تحتل منطقة مصرية وبعد يوم واحد من انتهاء الحرب تبدأ حرب مقاومة فى نفس المنطقة اللى احتلتها اليونان ونفوز فى حرب المقاومة وترجع تحت سيطرة مصرية
وهكذا فى كل منطقة
واحب اوضح حاجة وهى من كام يوم تم التوصل لاتفاق بين اليونان وبلغاريا ومقدونيا السلافية على وقف الحرب بينهم وحكومات الدول دى وافقت على الهدنة بالشروط
واهم شروط الهدنة دى ان اى بلد عايزة تعمل حرب تدريبية مع مصر لازم مصر توافق الاول
والحروب دى مهمة على الاقل فى الوقت الحالى علشان الحدث ( DAYS OF MAYHEM )
نصيحة لكل لاعب جديد
خليك بعيد عن السياسة
السياسة دى شغلة الحكومة لحد ما تفهم اللعبة وتبقى عضو فى الحكومة
لان انت لسه جديد متعرفش اللعبة كويس ولا اللى بيحصل بين الدول
عايز اقول حاجة لكل الناس ياريت ننضم لحزب واحد نتجمع فيه
لان عددنا قليل جدا
لو اتجمعنا فى حزب واحد هيكون لينا صوت ونتقدر فى المستقبل نعمل حاجة كويسة
ودى دعوة منى للانضمام لحزب مصر للمصريين
وهيكون فى فرص ان شاء الله للبرلمان
فى انتخابات رئاسة الحزب اللى فاتت واحد كتب وقال
انه هيكافأ اللى يصوت ليه ب 2000 جنيه
انا اقدر اخلى 10000 لكل صوت ليا بس معملتش كدة لان لا ده اسلوبى ولا طريقتى فى التعامل مع الناس
اللى بيطلب منى حاجة او محتاج حاجة انا بدى من غير مقابل
ياريت الناس كلها تنضم لقناتنا فى برنامج ديسكورد اللى هو ده
هتسهل التواصل وكمان قناة عربى فيها مصريين
وده اللينك بتعاها
https://discord.gg/Z2JVvu4
مع تحيات وزير التعليم
مراد
Comments
v
o7
ياريت الشباب الجدد يقروا المقال
ومستنى رأى كل واحد
v
1- ياريت يكون فيه شات على اي موقع او تطبيق نتجمع فيه ونتناقش بصوره اسهل
2- يلريت يبقا فيه اي تحالف مع اي دوله في الدنيا مفيش ولا دوله متحالفين معاها
3- انا ملاحظ ان فيه حسابات وهميه كتييير بتظهر كل يوم وكلها رايحه لحزب معين وتيار معين ياريت يبقا فيه حد للكلام دا
البرنامج ده شات وكويس جدا جدا
فى تحالفات معانا مع دول كتير ومنهم قبرص واليونان بس الباقى مش قائمة التحالفات
بالنسبة للحسابات الكتيرة فا متقلقش مصممى اللعبة لما بيشوفوا ان الشخص عنده اكتر من حساب بيتبند
v
ياسطا الكلام مش بفلوس و انته راجل افعال لا اقوال
حبيبى يا ابو حميد