مرحبا بالاعضاء الجدد

Day 3,576, 08:07 • Published in Egypt Bulgaria • by mahmoudelberry

السلام عليكم
اولا احب ارحب بالمواطنين الجدد فى اللعبة
وهكتب شوية نصايح للى لسه جديد فى اللعبة
حافط على الدهب علشان صعب جدا انك تكسبه وعلشان انت لسه جديد فى اللعبة ف يبقى الدهب اللى تصرفه فى تطوير منشأت التدريب يعنى بدل ما بتتدرب 5 قوة فى اليوم يبقى بعد التطوير 10 او 15 او حتى 20 علشان قوتك تزيد فى وقت اسرع وفى نفس الوقت تكسب دهب من الميدالية وبالمناسبة فى خصم بينزل على منشأت التدريب وبيبقى الخصم 45 % ولما تطور المنشأت يبقى اول منشأة لازم علشان بتتدرب فيها مجانا
بالنسبة للوظائف ف انت تقدر تسافر امريكا وهناك هتلاقى اعلى مرتبات ومش شرط انك تسافر كل يوم علشان تسجل حضور فى الشركة
بالنسبة للحروب حاولوا يا شباب تحاربوا فى الطيران لسببين
اولا ان حروب الطيران تعتمد على رتبتك فى الطيران ومش بتعتمد على القوة لان القوة دى فى الحروب الارضية ف خلى اهتمام الاكبر فى حروب الطيران وتعلى رتبتك فى الطيران لان فى المستقبل هتكسب ميداليات طيران اللى هى قيمتها 30 دهب
ثانيا احنا عايزين المواطنين الجدد تحارب طيران علشان عايزين يبقى فى سلاح فى مصر قوى زى الطيران نكسب حروب لان النقط فى جولة الطيران 22 نقطة انما فى الجولات الارضية 11 بس والبلد اللى تحقق 94 نقطة فى الجولات يبقى هى اللى كسبت الحرب