Бугарското (не)размислување

Day 1,084, 11:33 • Published in North Macedonia North Macedonia • by Great White Ajkula

е-Бугарија навлезе во сериозни воени дејствија. Напад на Добруџа од бугарска страна, и нормално возвратна посета на романците во Русе и Варна... Бугарија е наш сојузник од ФЕНИКС алијансата, и тренинг-борба за некој дополнителен експириенс поен добро ќе ми дојде. Ајде тоа, туку и ќе помогнам на нашиот сојузник, еБугарија. Арно ама...

Истата е-Бугарија која сега војува, и има серозна потреба од својата алијанса, пред некој ден малку подзаборави дека е во сојуз со е-Македонија. Иако имаше „глас на разумот“ од дел бугарски граѓани, новинари и некои влијателни играчи, сепак на грото Бугари им се допадна идејата за Бугарско вето за влез на Македонија во ФЕНИКС... И подоцна агресија на Македонија!

„Како да постапам?“, ме мачеше мисла кога и да погледнев во „My Battles“. Дали да помогнам на својот сојузник, или свесно да дозволам слабеење на еБугарија, затоа што таа е наш потенцијален непријател. Не е дека со мојата нанесена штета од 300-400 максимум, нешто многу ќе променам, ама ме фаќаше инает. Пред очи ми беше рекламната мапа на бугарскиот претседателски кандидат, на која еБугарија како свој регион го беше нацртала и делот од Источна Македонија.

На крај донесов решение...

Отидов, го дадов својот придонес, толку колку што можев, за е-Бугарија. Со надеж дека нашите е-народи, е-влади, и е-претседатели ќе најдат начин за очувување на целовитоста на ФЕНИКС. Со надеж дека бугарите ќе сфатат дека е многу подобро да имаш сојузник за сосед, отколку непријател. Со надеж дека кога ќе се војува со е-Грција, некој бугарски граѓанин ќе размислува како мене, и ќе даде колкав толкав придонес против нашиот заеднички е-душман, ќе викнам:
Hail Macedonia,
Hail Bulgaria, Turkey, Serbia...
Hail PHOENIX!!