Gatishmëria e ushtrisë Shqiptare ne vitet '80
Edi Rama PS
Nëse lufta do të fillonte krejt papritur, pa paralajmërime dhe pa përqendrim të trupave armike në vijën e kufirit, ushtria shqiptare ishte përgatitur që për 2-3 minuta nga shkelja e territorit shqiptar, të hapte zjarrin e parë me mitralozat e rëndë të cilësuara si “armë roje”, apo me anë të batalioneve që gjithashtu quheshin “art-mitraljer”. Kjo sa për fillim, pasi strukturat ushtarake e viteve ‘80 lejonte që për 72 orët e para, të mund të viheshin nën armë të paktën 750 mijë njerëz me uniformë jeshile. Por si ishte e organizuar ushtria shqiptare në vitet ’75-’85, gjë që daton dhe me kulmin e fuqisë së saj? Ish drejtuesit e lartë të saj kanë dhënë këto shifra:
Kolonel Edip Ohri, ish-komandanti i Aviacionit Shqiptar
Aviacioni, 240 mjete fluturuese
“I gjithë aviacion u inkuadrua në 3 regjimente gjuajtës-bombardues të cilët u inkuadruan në tre aerodrome: Gjadri, Rinasi e Kuçova. Reparti i parë u krijua në Tiranë në vitin ’51. Regjimenti i parë i Aviacionit Reaktiv u krijua në vitin 1955 në Kuçovë. Ai do të pasohej me krijimin e Repartit të Transportit Ushtarak në Tiranë, Regjimentin e Rinasit, Shkollën e Aviacionit, Regjimentin e Helikopterëve, Regjimentin e Gjadrit. Të paktën 240 ishte numri i mjeteve fluturuese, që përbënin armën e Aviacionit Luftarak.
Kolonel Estref Musabelli zv/komandant i Grupimit të 6-të operativ për tanket
Ushtria, 1200 mjete të blinduara
“Ushtria shqiptare në fund të vitit ‘80 dispononte thuajse se 1200 tanke e mjete të blinduara në arsenalin e saj. Kompania e parë e tankeve u krijua në 1 prill 1946 me prodhimin italian “Spali” trofe nga Lufta II B. Në prill 1948 u krijua Regjimenti i parë i tankeve “Vojo Kushi”, ku përfshinë tipet T-34 dhe AVL-76 m/m, të ardhura nga BS. Brigada e Parë u krijua në 24 prill 1963 në përbërje të të cilës ishin tanket tip T-59 të prodhimit kinez. Në vitet ’70 ushtria shqiptare kishte 10 brigada tankiste me nga 100 tanke të tipeve T-59 (54), T-62, si dhe disa batalione autonome me drejtime të caktuara me tanke tip T-34, AVL-76 dhe 100 m/m. Ushtria shqiptare zotëronte dhe 3-4 batalione të mekanizuara me transportues të blinduar.
Bajram Mane, ish-zëvendësministri i Mbrojtjes në vitet ‘82- ‘90
Organizimim me 9 korpuse
“Ushtria jonë rreth viteve ’80 erdhi pas një riorganizimi të thellë dhe të gjerë në strukturë dhe në përmbajtje, duke filluar nga njësitë e repartet e vogla ushtarake deri në Shtabin e Përgjithshëm. Në ato vite ushtria kishte në strukturë 7 Korpuse dhe 2 Grupime Operative në rang Korpusi, të cilat përmbanin njësi rezervë të Komandës Përgjithshme të pajisura me armë dhe teknikën e nevojshme. Gjithashtu kishte Komandën e Mbrojtjes Kundërajrore, Komandën e Aviacionit, Komandën e Flotës Luftarake Detare, njësi e reparte autonome, si dhe 4 Baza Furnizimi, Forca Vullnetare dhe Rininë Shkollore të armatosur.
Kolonel Dashamir Ohri, ish -komandanti i Brigadës së Nëndetëseve
Flota Luftarake Detare me 100 anije
“Në vitin 1980 flota detare shqiptare kishte anije rreth 100 luftarake të tipave dhe destinacioneve të ndryshme, luftarake e ndihmuese, të ardhura nga BS e Kina”
Hetem Halili, ish- Komisari i Korpusit të 7-të
Normat e gadishmërisë, njësoj me Izraelin
“Nivelin e normave të gatishmërisë e kishim më të lartin në botë. Me këto norma na afrohej vetëm Izraeli. Në 6 orë deri në 6 e 30 minuta kompletohet një brigadë, efektivi i të cilës varionte nga 5 mijë deri në 7 mijë trupa. Ndërsa një korpus vihej në gatishmëri të plotë brenda 9-10 orëve. Për rastin konkret, kur flitej që Shqipëria kërcënohej nga trupat e Traktatit të Varshavës, merrej parasysh që pika më e afërt, nga ku mund të ngriheshin avionët desantues, ishte aeroporti i Sofies në Bullgari, me një largësi prej 650 kilometrash.”
Kostaq Karoli-ish shefi i shtabit të përgjithshëm të ushtrisë
Shkelja e kufirit, për 3 minuta zjarr i përqendruar
Forcat e Armatosura kishin një efektiv shumë të madh, si aktiv ashtu edhe rezervist. Efektivi përbëhej nga rreth 16.500 oficerë, rreth 9.000 nën/oficerë, rreth 60.000 ushtarë si dhe nga rreth 8.000 civilë. Ndërkohë që rezervistë kishte rreth 450.000 vetë, dhe 230.000 Forca Vullnetare. Këto forca përfshiheshin në 22 Divizione dhe tre Forca që ishin: Mbrojtja Kundër Ajrore, Flota Luftarako-Detare dhe Aviacioni. Ishin 127 Brigada Këmbësorie, Brigada Artilerie dhe Brigada Sulmuese; rreth 1050 tanke, rreth 4.000 gryka zjarri artilerie tokësore; 34 regjimente të artilerisë kundërajrore pa llogaritur artilerinë kundërajrore të Brigadave, etj. Në kufi, mitralozët e rëndë (armët roje), bateritë e gatshme të artilerisë kundërajrore, hapnin zjarr për 2-3 minuta. Për 20-30 minuta, batalionet mitraliere në vijën e kufirit kishin bërë gati për luftim. Po kështu për 15– 20 minuta, artileria tokësore e gatshme kishte hapur zjarr.
Namik Shehaj, ish-komisari i Regjimentit të Raketave
Mbrojtja kundërajrore me 240 raketa
Në përbërje të ushtrisë shqiptare janë 3-Grupe luftarake raketash një Grup tjetër që përdoret për qëllime mësimore si dhe një grup teknik. Katër grupet e raketave janë të vendosura në Petrelë, Sukth, në Patos dhe Krujë. Çdo Grup ka nga 6-të shtretë raketash. Pra gjithësej 24 shtretë. Është përllogaritur që çdonjëri nga shtretet të lëshojë deri në 10 raketa. Realisht 240 raketa. Ato kanë një gjatësi prej 10.,88 metrash. Raketat që kanë qenë pjesë e armatimit të Mbrojtjes Kundër Ajrore të Ushtrisë Shqiptare nuk kanë pasur mbushje bërthamore, por kanë pasur vetëm mbushje luftarake, e cila kur shpërthente ndahej në 3600 copa.
Irfan Lulo ish-shefi i Katedrës në Zall-Herr
Artileria 6 gryka zjarri për çdo kilometër të frontit
“Ndërmjet viteve 1954-1955. Ushtria Shqiptare u pajis me bateri KA 85 mm e mjete radioteknike më të sofistikuara, ndërsa në vitet 1957-1958 u pajis me bateri 57 dhe 100mm. Në vitet 1959-1969, në armatim futen edhe raketat e drejtuara, topat AKA 37 mm, topat 57mm dhe 100mm me drejtim automatik, mitralozet 14,5 mm me katër tyta, dhe me radarë të zbulimit të largët. Në vitet '70 kishte 22 regjimente të AKA, 18 batalione mitraliere AKA, që llogarisnin rreth 6 gryka zjarri për çdo kilometër të frontit”.
Kolonel Thoma Lakra, ish-komisari i Divizionit të Xhenjos
100 mijë qendra zjarri në 5 vjet
“Tërë procesi i projektimit, prodhimit dhe montimit të mbi 100 mijë qendrave zjarri u bë për afro 4-5 vjet, (1975-1980). U bënë njëkohësisht qendrat e zjarrit të montuara me kërkesën e Mehmet Shehut, të cilat iu nënshtruan eksperimentimit me qitje direkte me të gjithë kalibrat e armëve, ku u nxorën konkluzionet dhe reflektime në projektimin dhe prodhimin e tyre. Në Shqipëri u prodhuan dhe u montuan rreth 100 mijë qendra zjarri. Vitet me intensitet më të lartë kanë qenë 1976-1980”.
Bazat e Betonizuara
-Aerodromit të Gjadrit, i tunelizuar
-Baza e Shëngjinit të Tunelizuar
-Baza në Porto Palermo
-Tunelizimi i Uzinës në Poliçan
-Tunelizimi i Bazës Ajrore në Kuçovë
-Depove të tunelizuar në Vermsh Gjerbes, Qafë -Shtamë
-Ndërtimi i Radiostacioneve për kohë lufte, në Bizë, Livadhe e Hamet, Puke, Teqe e Dushkut, Gramsh etj”.
Përbërja e Aviacionit Ushtarak
95 avionë MIG-19-S,
12 avionë MIG-21,
12 avionë MIG-17,
3 avionë IL-14 për shërbime qeveritare
1 avion bombardues IL-28.
36 helikopterë MI-4.
12 avionë AN-2 transporti
Ushtria
Fuqia njerëzore dhe ajo e zjarrit
Ushtria Shqiptare në vitet ’80-‘90 ka pasur në përbërjen e saj:
-22 Divizione
-Mbrojtja Kundër Ajrore (MKA),
-Flota Luftarako-Detare (FLD)
-Aviacioni
-Efektivi përbëhej nga:
-rreth 16.500 oficerë
-rreth 9.000 nën/oficerë
-rreth 60.000 ushtarë
-rreth 8.000 civilë
-rreth 450.000 rezervistë
-rreth 230.000 Forca Vullnetare
-Ishin 127 Brigada, Këmbësorie, Artilerie dhe Sulmuese
-Ishin 34 regjimente të artilerisë kundërajrore
-Ishin rreth 1050 tanke inkuadruar në 9 brigada e dy batalione
-Ishin 4.000 gryka zjarri artilerie tokësore
-Ishin më shumë se 100 anije të të Luftës Luftarake Detare
-Ishin rreth 240 avionë e helikopterë të Flotës Ajrore
Flota Luftarake Detare
1. Katër silurues 80 copë rus + kinez
2. Dragamina rade 6 copë rus
3. Dragamina bazë 2 copë rus
4. Gjuajtësa detarë 4 copë rus
5. Nëndetëse 4 copë rus
6. Motovedetë tip Shangai II 6 copë kineze
Keto jane shifra per tu pasur frike.
Comments
first o7
O zot, e kam prit nje artikull si ky. VOTE E MERITUAR PLOTESISHT
Po tash ?!
tash kemi cik pushim se na man NATO.....
Gjithe kjo ushtri, sa keq qe nuk u perdor per te marre territoret qe na takonin (ne Greqi, Koder te Zeze, Servi dhe FYROM)... Por sigurisht qe aty nuk pyeteshin vetem shtet fqinje, por edhe superfuqite boterore...
Artikull i mrrekullueshem Ahmet Zogu I, te lumte!
Nje gje interesante ne kete artikull eshte se e shkruan nje anti komunist 😛 (bej shaka )
Te lumte ke bere nje pune kryeveper .
Te lumte vlla ke v+S
bravooooooooooo
Keto besoj perbejne sekret ushtarak dhe sduhet te publikohen 😛
vetem se ke harruar te shtosh dhe foton e komandantit te pergjithshmen qe ka qene vete XHAXHI ENVERI qe i mire apo i keq per te tjeret duhet kujtuar per ato qe ka krijuar dhe qe keto te mevonshmit nuk ditet ti mbanin
bravo shum artikull i mir per informacion per rinin e viteve 90 e ketei
V*S
Super Artikull bravo!
Faleminderit te gjitheve per mbeshtetjen.
V+S
Vetem se vendndodhjet e ushtrise hiqi nga artikulli
nuk duhet te behen publike
Prandaj s'kishte populli buke me hanger - se i harxhonte xhaxhi ato pak leke qe kishte per armatime te ndryhskura
@HELMI AL e ke fjalen per bunkeret? se vetem ato i krijoi, dhe tani ne skemi ditur si ti mbajme edhe jane rrenuar 😛
RROFT SHQIPRIA E ENVER HOXHES!
PA USHTRI SKA NDER!
Sot na e morren ftyren mbeturinat sllave 🙁
Bravo per artikullin !
@Hajdaraga : Sjon sekrete se ky armatim ka qene sekret per kohen (vitet e 70-80) jo me! Tash ka shume me pak armatim dhe njefare menyre jemi ne mburoj te NATOS!
Ehhh Ushtria e Xhaxhit per te luftuar kunder mullinjve te eres. Para e cuar dem kot nderkohe qe populli ngordhte per te ngrene.
Qysh thojne te moqmit... munesh me pa rakin e madh sa te dushe... po spate koqe, kurgjo puna jote.
V.
eshte llogaritur kostoja e nje bunkeri shkonte sa nje banese mesatare.
njerzit skishin shtepi ku te futnin koken dulla ndertonte bunkere dhe shpenzonte per ushtrine 9% te buxhetit
Artikull interesant, jane te gjitha te verteta, qe pak a shume dihen prej kohesh.
Ushtria deri ne 1980 ka qene relativisht moderne, pastaj ne vitet 80 Jugosllavia prodhoi versionin e saj te tankut T-72, mori MIG-29 nga BS, ndersa Greqia mori F-16 nga Amerika, keshtu qe ne ajer dhe toke, pas 1985, ishim shume dobet, me teknologji obsolete.
Nuk kishte fare gjasa te fitohej ndonje lufte sulmuese me Jugosllavine, por meqe kufiri ishte malor, lufta mbrojtese mund te fitohej.
Sikunder ne kete loje, shume e kane kuptuar, edhe ne real Pavaresia ruhet me mire me ane te konjukturave nderkombetare te favorshme, po ashtu edhe sulmi eshte i efektshem kur jane konjukturat nderkombetare te favorshme.
Ne kohen e xhaxhit,vitet 70-80 Shqiperia i kishte kunder konjukturat nderkombetare, gjithçka u var nga ushtria, kjo kerkonte shume shpenzime ushtarake qe pastaj sollen sakrifica te medha per popullin, aq sa populli po merrte ushqim te racionuar me tollona.
Duhet te kete gjithnje nje ekuiliber mes ushtrise dhe diplomacise, qe mbrojtja te jete efektive dhe te mos shkaterroje ekonomine e vendit.
As vetem diplomaci se sapo perkeqesohen rrethanat aleatet te braktisin pa problem e te duhet ushtria, as vetem me ushtri sepse shkaterrohet ekonomia.
Te lumt vlla o/
v
BIG VOTE ...
ket qenka ta marresh per detyre shkolle... v+s e papare vella bravo
Shife shife Ahmet Zogu ben artikull per ushtrin qe kishte kriju Enver Hoxha por duke then ushtria ne vitet 80 edhe jo ushtria komuniste se ashtu ishte!
impressively organized, but it all came with a prize
une sapo do ti thoja te ndryshoj emer se nuk i shkon ahmet zogu per keto qe ka shkru, AHMET ZOGU DUHE TE SHKRUAJ PER ATO QE KA BERE VETE,PRA DHENIEN E SHEN NAUNIT DHE PYLLIT TE VERMOSHI T SERBEVE,VRASJEN E PATRIOTVE,ARDHJA NE PUSHTET ME NDIMEN E BEOGRADIT DHE DOREZIMI PA KUSHTE ITALIS FASHISTE
V
@pijani dado nuk jam ai ahmet zogu I , po jam ky moderrni.....
vote
v+s
tani varemi nga nato pfff. Po sikur te shperbehet ose te plasi lufta e 3 (si dihet) . Nga kush do mbrohemi atehere ishte periudha e tille qe u blene armatimet dhe u mbyllen kufinjt. Jugosllavia na therte ushtaret e kufirit. Greqia bente brrockulla ne kufi. Kishim krenari .) i tha xhaxhi grekut per 8 ore te vi te pi kafen ne athine
hahahahahahahaha e madhe ahmet zogu....v+s
don curtish du te them vetem dicka,ajo vertet qe ka qen nje ushtri e madhe,por te futeshne lufte ne ate kohe nuk ishte e thjesht,madje eksiston dhe plani per marrjen e kosoves me lufte,me duket i vitit 1980,nje strategji perfekt,pjese te se ciles u perdoren ne luften e fundit....por ne ate kohe qe epamundur perfundoi ne sirtar
E quanin ENVER HOXHA e JO SALI BERISHA......................................