Join the new world

Пред судскиот совет изјави дека оружјето го купил пред пет години од човек во Качаник, Косово, за 500 евра и сакал да го препродаде во земјава, но не успеал да најде купец. Полицијата при претресот на неговата куќа нашла автоматска пушка, бомба „кашикара”, пет рамки за муниција, седум куршуми, борбени елеци и фантомки.

Во акцијата „Монструм” беа уапсени вкупно 20 лица за кои државните институции тврдеа дека се вмешани во петкратното убиство од 12 април, кога беа убиени четири млади момчиња и еден средовечен маж.

До сега, десетмина од уапсените се веќе ослободени откако судот утврдил дека немаат вмешаност во петкратното убиство, двајца се во бегство, а тројца скопјани од уапсената група се обвинети дека се директни извршители на убиствата.