Poezi per Shqiperine dhe Shqiptaret
A E N E A S
Pasi shikoj cdo dite Shqiptare qe mbeshtesin te huaj dhe Shqiptare qe vendosin fene para kombit vendosa t'ua tregoj kete poezi te bukur dhe shume domethenese te Pashko Vases.
Por sot, Shqypni, pa m'thuej si je?
Po sikur lisi i rrxuem përdhe,
Shkon bota sipri, me kambë, të shklet
E nji fjalë t'ambël askush s'ta flet.
Si mal me borë, si fushë me lule
Ke pas qenë veshun, sot je me crule,
E s'të ka mbetun as em'n as besë;
Vet e ke prishun për faqe t'zezë.
Shqyptar', me vllazën jeni tuj u vra,
Ndër nji qind ceta jeni shpërnda;
Ca thone kam fè ca thonë kam din;
Njeni:"jam turk", tjetri:"latin"
Do thonë: "Jam grek", "shkje"-disa tjerë,
Por jemi vllazën t'gjith more t'mjerë!
Priftnit e hoxhët ju kanë hutue,
Për me ju damun me ju vorfnue!
Vjen njeri i huej e ju rri n'votër,
Me ju turpnue me grue e motër,
E për sa pare qi do t'fitoni,
Besën e t'parëve t'gjith e harroni,
Baheni robt e njerit t'huej,
Qi nuk ka gjuhën dhe gjakun tuej.
Qani ju shpata e ju dyfeqe,
Shqiptari u zu si zog ndër leqe!
Qani ju trima bashkë me ne,
Se ra Shqypnia me faqe n'dhe!
E s'i ka mbetun as bukë as mish,
As zjarm në votër, as dritë, as pishë;
As gjak në faqe, as nder ndër shokë,
Por asht rrëxue e bamun trokë!
Mblidhniu ju varza, mblidhniu ju gra,
M'ata sy t'bukur q'dini me qa,
Eni t'vajtojmë Shqypninë e mjerë,
Qi mbet' e shkretë pa em'n, pa nder;
Ka mbet e vejë si grue pa burrë,
Ka mbet si nanë, qi s'pat djalë kurrë!
Kujt i ban zemra m'e e lan' me dekë
Kët farë trimneshe, qi sot asht mekë?
Këtë nanë të dashtun a do ta lamë,
Qi njeri i huej ta shklasë me kambë?
Nuk, nuk! Këtë marrè askush s'e do
Këtë faqe t'zezë gjithkush e dro!
Para se t'hupet kështu Shqypnia,
Me pushkë n'dorë le t'desë trimnia!
Coniu, shqyptarë, prej gjumit çoniu,
Të gjithë si vllazën n'nji besë shtërngoniu,
E mos shikoni kisha e xhamia:
Feja e shqyptarit asht shqyptaria!
Qysh prej Tivarit deri n'Prevezë,
Gjithkund lshon dielli vap'edhe rrezë,
Asht tok' e jona, prind na e kanë lanë
Kush mos na e preki, se desim t'tanë
Të desim si burrat që vdiqnë motit
Edhe mos marrohna përpara zotit.
Shpresoj t'iu kete ndihmuar sadopak per te kthjelluar idete...
Comments
v+s
V
Ke plotësisht të drejtë por: NUK KA KOMB pa FE , nuk ka FE pa KOMB !
VOTE !
v
vote pa e lexu 😛
Shqiptarizmi nuk është fe, shqiptar të jesh ke kombesi shqiptare, brenda kombit tonë ke shqiptar musliman, të krishter , ateist , agnostik . Andaj duhet të pajtohemi me ketë fakt. Ne nuk duhet të pretendojmë të kemi një komb ku shqiptari besimtar nuk respektohet vetëm pse praktikon besimin e tij. Pse veshet ndryshe pse ka mjekër pse nuk ka mjekër, duhet të shikojmë më lartë. Pashko Vasa e ka pasur mirë, ai ka paraqitur tezen e unitetit të kombit dikur në kohen e tentimeve për të u perçarë . Por, jo sot. Nuk ka komb para fesë e as fe para kombit, besimet fetare thonë se duhet të e mbrojmë vendin në të cilin i takojmë e kemi atdhe . Andaj , feja është besimi shpirteror i njeriut, e kombi është vendi në të cilin ai jeton ritet edukohet frymon, që besa edhe lufton për të. Shqiptaret edhe bajramet dhe pashket bashkë i bejnë, askujt nuk i pengon feja , detyrim i secilit musliman të krishter apo tjerë, është me e dasht e mbrojt vendin e vet.
pikerisht pra per shkak te kesaj
themi feja e shqiptari eshte shqiptaria
per te treguar se nuk ka rendesi feja por kombesia per ne
Edhe 100 vota po te mund ti jepja do ishin pak.
Koment me te mire ka kohe qe nuk e kam pare 🙂
Por ne anen tjeter keto vargje vazhdojne te jene aktuale,per shkak te personave me tendence perqarjeje madje dhe pa vetedije per shkak te nivelit te ulet intelektual.
E te tille duket se kemi edhe ketu ne kete komunitetin tone ne erepublik
#bravo vllazni
o/