The финале [DedaNoe]

Day 1,323, 15:34 • Published in North Macedonia North Macedonia • by Apokalipto


еМакедонци, еМакедонки и еМакедонченца

Ми дојде крајот... ок крајот на мандатот. Мандат кој ни донесе нешто за кое што сите сонувавме... мандат во кој го остваривме и сеуште го држиме сонот на секој од нас... ГИ ОСВОИВМЕ. (and that's what matters)

Не беше ни малку лесно, напротив беше напорно и да се биде претседател не е ни малку едноставно или лесно... тоа кружно медалче со профил од некој дедо на некој си рандом админ носи голема обврска... што би рекол дедо му на Питер Паркер - со голема моќ доаѓа и голема обврска.

Првпат во нашата историја доживеавме да имаме војна со едни од најјаките држави во овој чудесен еСвет во кој сите сме внесени на овој или оној начин, кој помалку кој повеќе. Се најдовме растргнати на два јаки фронтови и мораше да падне избор само на една опција и да го заштитиме она што го имаме, поразот е една страна од играта која мора да ја научиме ама кога пред тебе излегува шанса за да избегнеш пораз и притоа тактички да изиграш а со тоа да избришеш една нација преполна со фалбаџии, ќе ја зграбиш таа шанса и ќе ги удриш ЈАКО. Тоа и го сторивме, војната со Хрватска ја затворивме и се фокусиравме на тоа што преостана.

Таа војна ни донесе многу... ни ги донесе нашите ТЕНКОВИ, нашите борци пред кои затреперија... и толку се исплашија што богзнае колкупати им стискале репорт за секоја можна опција која ја нудеше тоа копче (кое деновиве го снема). Во таа војна блеснавме и НИЕ, блесна армијата - и се покажа дека бројноста, она нешто кое што го имаме како огромна предност навистина се исплатеше. Со новиот модул сме една од ретките земји која располага со огромна моќ токму поради нашата бројност. Тука отворено ке ве повикам да иницирате бејби бумови, да ја рекламирате играва и да носите нова и свежа крв, можностите за напредување сега се поголеми и брзо ќе изградиме огромна и моќна армија.

Преживеавме доста на економски план со менувањето на модулите... од моменти кгоа се ја изгуби вредноста и ни се откажаа голем број на играчи разочарани од тоа што неможеа да заработат... до моменти кога со нагли промени цените на продуктите и суровините се искачија на нивото кое нуди и заработувачка и можност за средување на и онака потполно уништените и дестабилизирани монетарни маркети. Како и да е, економската програма беше нешто на кое што не обратив многу внимание тоа го оставив на тимот кој одамна беше докажан и и тука издржавме и не доживеавме колапс на денарот.

После мене остануваат многу работи да се завршат, можеби во моментите додека го читате ова и официјално мојот мандат е веќе завршен и новиот претседател ќе биде тој кој ќе треба да продолжи понатаму, онака како што е најдобро за еМакедонија и во согласност со наредбите од ONE. Има да се решат многу прашања, најгорливо прашање се регионите кои ги имаме во Саудиска Арабија, тие региони се НИВНИ и од секогаш биле, ги враќаме само и само на барање на нивниот претседател за да може да се штитат од освојување или ПТО, регионите не се окупирани... Со Египет и Саудиска Арабија стекнавме ново и свежо пријателство за кое сум сигурен дека во иднина ќе го наплатиме, бидејќи тие земји ќе станат навистина моќни со приливот на нови играчи... Иран како земја со која имавме проблеми токму поради овие територии се докажа како земја во која може да имаме целосна доверба и тука ја користам приликата да им се заблагодарам за тоа.

Стекнавме нови пријателства и со земји од Јужна Америка нешто што ни требаше за оние - ноќни битки, ги продлабочивме односите со членките на ONE сојузот, и заедно и само со заедничка помош сме НЕПОБЕДЛИВИ, сојузот функционира беспрекорно и ничии интереси не се ставаат пред другите интереси, се работи постапно и плански, резултатите и сами ги гледаме. Тука ќе изразам огромна благодарност до ONE и нашите сојузници и вечните пријатели Турција (за кои се надевам дека наскоро ќе бидат дел од ONE алијансата) без кои немаше да сме тука каде што сме... т.е не многу одамна кога бевме избришани од страна на нашите сакани соседи... добивме несебична помош од еден братски народ на кој деновиве една нација која не постои на оваа мапа се обидува да му продаде некои бедни идеи и да направи раздор и да не поткопа... па само тоа и им остана бе, немаат земја немаат гордост и само тоа и ке прават.

Им се заблагодарувам на сите мои најблиски пријатели - не министри туку пријатели бидејки навистина сите се покажаа како луѓе со кои би сакал да се дружам и разговарам постојано. Им се заблагодарувам на сите кои ме гласаа и останаа до мене во сите моменти и мои одлуки.

Се надевам дека со новиот претседател и ваква Македонија каква што ја оставам ќе имаме отскочна даска да станеме број еден во овој еСвет.

HAIL ONE. Thank u all.