My first e-birthday ♥

Day 1,684, 08:25 • Published in Republic of Moldova France • by Princess Emily

Времето минува толку несетно. Понекогаш, ни се чини вчера, но вистината е дека поминале месеци, години. И тоа само со едно свесно трепкање. Губејќи се во ритамот на постојаната активност за опстанок и нормално живеење, забораваме на уживање во дадениот момент, и секоја скапоцена минута, ја разбираме многу минливо, релативно. А можеме да ja искористиме многу попродуктивно. Забораваме дека никој не ни го гарантира постоењето на следната...

Помина точно една година откако се регистрирав на оваа игра. Иако на почетокот ми изгледаше досадна, со вклучувањето во е-политичките работи, ја согледав првата причина за останување: помагање на нашата е-држава. Нема да должам многу, не ни сакам, како што изминуваше времето ја согледав и втората причина поради која сеуште сум тука: заедницата. Многу работи се случија, позитивни и негативни, и останаа речениците “Секогаш ќе има луѓе кои ќе не повредуваат, и луѓе кои ќе не лечат. Едните секогаш ќе бидат наша причина за заминување, а другите, за останување...”. И покрај се што се случи, сета радост и омраза од кои бев дел овде, резултираше со запознавање на прекрасни луѓе, кои најверојатно никогаш немаше да ги сретнам да не се регистрирав на играва, иако често пати сум го проколнувала денот. Негативните чувства резултираа со напуштање на еМакедонија, нешто што беше неизбежно во тие моменти на слабост. Но никогаш не сум се декларирала како ништо друго освен Македонка.

Судејќи по атмосферата која и сега владее во еМакедонија, претпоставувам дека ќе ни треба навистина многу работа и мотивација за да го средиме овој хаос, и да го вратиме стариот сјај на еМакедонија. Нашата (е)татковина го заслужува тоа! Затоа сме овде, на овој или оној начин. Многу држави од светот имаа можност да комуницираат со нас благодарение на оваа игра. Дознаа какви луѓе се Македонците поради интеракциите овде. Тоа е непроценливо, една од причините за која вреди да се игра, да се рашири убавиот збор за Македонија. Сите ние во себе ја носиме љубовта за татковината, и сметам дека е многу погрешно сето тоа да се фокусира на виртуелните пиксели на е-мапата. Да погледнеме и пошироко, користете ја играта и вашите познанства за ширење на нашето име, на нашите убавини, кои навистина ги поседуваме! Само ние можеме да ја издигнеме (е)Македонија, заедно!


Ми беше чест што запознав прекрасни луѓе овде, и се надевам дека тоа ќе продолжи и во иднина. Ви благодарам за вчера, за неочекуваните честитки на најубав начин, за најубавата вечер во оваа година, кога ме направивте да се чувствувам среќна, и сомнежот “дали вредеше...?” конечно исчезна. Да, вредеше, за убавите моменти поминати овде, за прекрасните луѓе. Тоа е нешто што немаше да го доживеам да не бев сега овде. Ви благодарам за се! ♥



My dear friends, today, a whole year passed since my registration on this game. There were a lot of moments shared here, some of them good, some of them bad... but overall, I am so happy to meet you all, especially my precious friends, wonderful people, who make my days brighter. It is my honor to be here with all of you, and I hope that even more wonderful moments are yet to come. Yes, it was worth it, for the happiness, for the people, for the memories I made. Something that I wouldn't experience if I wasn't here now. Thank you for everything! ♥



Мојата е-роденденска торта/ My e-birthday cake 😁 ♥

Emily