Par riči o našoj stranci...

Day 1,838, 04:56 • Published in Croatia Croatia • by WhiteEagle1950
Dalmatinke, Dalmatinci…

Evo smo van novu stranku učinili. Ma da van rečemo, nismo autonomaši, nismo iredentisti, nismo talijanaši ni regionališti. Mi smo Dalmatinke i Dalmatinci, pravi i istinski Hrvati. Ne dilimo se na desne i live, na crne i crvene, žute, plave il zelene vragove. Nismo stoka ni sitnoga ni krupnoga zuba i ne damo se žedni priko vode.


Ovdi van je naš program, u kratko učinjen:

1) Neću RL u moju butigu



Novu stranku smo učinili jer ovon našon e-državi triba jedna poštena stranka vanka regule, vanka uhljebljenih interesa onih ča su uvik blizu oltara pa bolje misu čuju. Glasove kupovat nećemo, oružje i hranu dilit nećemo. Šporkarije činit nećemo, a vi, ako van je na srcu organizirana e-Hrvatska, poštena e-Hrvatska, bez karanja nadstranačkih retaja i puvandera, pridružite nan se, nećemo van viru izdat. Ako van je od e-Hrvatske ča je drugima rišpekt draže 3 tenka, ajte s gušton u koju drugu stranku – odi se nećete tenkova nadobivat. U ovu stranku ne obadajemo RL podile ča nam mogu samo šćetu činit. Ko nan se pošten učini, s tin dogovor pravit moremo, ki je uhljeb njanci nek nas ne zove. I nek znaju koji nas prozivat budu: u RL nema dalmatinske stranke, il su propale, il su nan ih uvezli. Nije nan žeja dilit nego ujedinit sve one poštene ča oče ovoj zajednici dobro učinit.

2) Kontra mraku, kontra sili




Mrak i sila, pržun naroda, to je za nas balkan i balkanika. Koji god izdajnik nan prodava muda pod bubrige i u ujedinjeni balkan nas prova utirat, nek zna: mi smo kontra. Mi smo hrvatski antemurale balkanitatis, mi smo oni koji ce van rec da ste guske dojete li nan s balkanon, mi smo bodež o stine u srce balkana, mi ga najboje poznamo i mi smo kontra. Uvik kontra. Ako van ikad doje, gospodo, opet nas na balkan utirat ma neka znate: takvu e-državu pri ćemo polit petroljon i užgat nega u njon stat. I nije ovo pusta priča: mi se sami sa sobon ne možemo, Srbi se sami sa sobon ne mogu – e da bi mogli čagod skupa? Ma ta bi balkanska unija jednu veliku
šprdnju učinila od nas pred saveznicima. Bugari bi za nas virni bili.

3) GTFO Grammar nazzies



Koga smeta kako pišemo i kako govorimo – GTFO. Ne pišemo standardnin hrvatskin jezikon. Ne pribotunajite nan književni – čitamo mi libre priko 500 godin stare ki da su danas pisane i nećemo debate činit je li vuk ili je vukovac ili je ovca i ko je prvu knjigu na hrvatskon načinija. Kome ušesa paraju krivi dijakritici, taj ne razumi sta je cakavica i nase nan demokratsko pravo da govorimo kako nan drago gazi. Evo van ga! Ovo je samo igra a ne matura iz hrvatskoga.

I za kraj:

Afitavanje orgova i druge monade nas ne zanimaju. Svi znamo da nije uzrok afit – jerbo koliko je goldi država od afita dobila? Al je vridno bilo sve ovo karanje zbog 30, 40 goldi? Oni prežidente koji pošteno ministarstvo od ekonomije od najbojih judi učini i da in višak orgova pa da država na pazaru golde prihodi a ne oni ča su orgove afitali dobro je učinija i ima našu podršku.

Zdravi i veseli bili.DALMATINSKA STRANKA - PRIDRUŽI NAM SE!