[長文]其實港女係97年當日已死，而家聞到既只係屍臭

Day 2,395, 09:47 • Published in China China • by ozzzkar

FF求插] 其實港女係97年當日已死，而家聞到既只係屍臭（利益衝突不避嫌厚顏無恥廉潔崩壞)，點解仲有人攬住條屍叫佢加油努力頂住。

雖然睇落好似只係植物人，仲有得救，香港司法呢壇野根本就係一個笑話，成日話基本法神聖不能改，Hi Auntie，基本法頂盡咪一部香港適用既憲法，澳洲英國等普通法地區，只要經過國會上下兩院和公投通過即可修改憲法，澳洲係1901至1999年經歷過44次公投，只有9次獲得通過修改憲法，公投不通過都無咩所謂，民主社會你就要尊重大多數人。就算是當年遠在日不落帝國的養母，都在1893年修改為在英國出世的雙非不會自動獲得英藉)。

植物人mode既港女又點呢？「基本法只有全國人大才有修改權」近年最具爭議性題目：雙非國藉問題，根本係大是大非既問題無爭議性可言，但有邊個肯提改基本法？官媒就一味靠嚇：不可輕言修改《基本法》（文匯報，2013）之外，根本就係等港女呢個傷口不斷流血流到死為止。即係話，唔好講復活，你想止血，都要中共認同先得，叫插你一刀既人幫你止血？哈哈哈你咪笑死我。

[陰謀論] 插多一野，民建聯唔使講，白鴿黨係五區公投早已賣港，仲信佢地？不如借多10萬俾我去澳門賭大細啦，我上次借你果3皮遲d再計。
北京留佢係香港係等佢地幫手爭取偏民主既一般市民認同以達維穩目的。
(有興趣可以自己去搵Hotelling's law，一般政黨都只會係中間偏少少左或者右以爭取最大量的中間選民選票)

行政由689為首的利益衝突，面皮廿吹厚指鹿為馬面不改容既官員把持（Hi Auntie，香港電視無電視牌，佢套警界線吊左成年癮，我真係好唔ger）
。立法會入面，功能組別唔再提，保皇黨同民主黨（無間道）聯手維穩，咁多年黎由雙非問題到反對用特權法查高鐵超支行為，一早睇到立法會皮已收。

司法雖然睇落獨立，但修改基本法權力呢樣係0，雙非事件睇到，連過時既基本法都不能修改，眼見將來睇唔到佢除左慢慢地不斷染紅之外有咩例外可以出現。

廉潔？唔好玩啦，區議會立法會咁向左走向右走多利益衝突d議員唔好話避嫌，直接唔申報都冇事，ICAC查又永遠證據不足。

[頭盔]咁香港又唔係已死既，我地都仲係購物同美食天堂，雖然大家樂美心快餐夜晚已經過百，但比起外國我地平好多，同大陸我地又比較安全而且比外國平，呢兩樣，加上願意為一層樓幫李家誠做30年奴隸既幾百萬香港人，已經夠撐起香港啦，行政立法司法廉潔?老子得閒既，咪星期日陪你遊行囉，頂盡去到十點之後要翻屋企訓覺準備禮拜一翻工。罷工？很傻很天真。

遊戲相關：
新界面出來了！