[Diariusz] Чытай мяне, пачатковец!
Schrodingers Nun
Дабрыдзень, сяброве!
Гэты тэкст я пішу для тых, даказаць чыё існаваньне здолеюць хіба толькі спрактыкаваныя ufo-экспэрты на старонках газэты Вадзіма Дзяружынскага "Секретные исследования". Для тых, хто кудлатай чупакабрай спрытна праціскаецца паміж сьлізкага гальля бурштынавых хваінаў у запаветных беларускіх пушчах. Для тых, хто адважна ўзіраецца ў стомленыя вочы добрых гульцоў, намагючыся ўцяміць ці скарыў ужо тых старэчы маразм. Так, гэты артыкул для вас, пачаткоўцы. Падобных артыкулаў публікавалася шмат, напрыклад, такі альбо вось такі, ды насамрэч процьма іх, нават гайды пісаныя, было б жаданьне скарыстацца гуглам. Аднак мой артыкул адметны, бо пісаць я буду не пра кнопкі, а пра вас.
Пачну, мусіць, з вашага стаўленьня да гульні і да людзей, якія ў яе гуляюць, якіх вы часта ўспрымаеце як "дзяржаву" або як "урад". Па сутнасьці "ўрад" - гэта проста найбольш актыўныя зь беларускіх гульцоў, якіх ня так шмат агулам. Мяне моцна дзівіць, калі не сказаць крыху болей нелітаратурна, вашае стаўленьне да нас, да нацыянальнай беларускай суполкі. Ня ведаю задкуль, але шмат хто з пачаткоўцаў прымае за аксыёму, што сталыя гульцы абавязаныя нешта тлумачыць, дапамагаць і хіба азадак не падціраць камусьці толькі за сам факт рэгістрацыі ў гульні. Магчыма ў іншых гульнявых суполках нешта падобнае і практыкуецца, але цяпер у еБеларусі няма гэткай колькасьці добраахвотнікаў накручваць на палец чужыя смаркачы ў свой вольны час. Мы стараемся дапамагаць найбольш актыўным і камунікабельным, для рэшты існуе рэгулярная раздача ў прэсе і сьценкі для размоваў у партыі і атрадзе. Хочаце актыўнасьці - выказвайце сваё меркаваньне, грукайцеся ў прыват і вас рана ці позна заўважаць. Калі вашае меркаваньне пераважна складаюць абразы і дэманстрацыя ўласнае тупасьці, то не крыўдуйце на адпаведныя захады ў адказ.
Хлопцы, гэта інтэрнэт, тут ніхто нікому нічога за проста так не павінен. Безумоўна, мне зразумелая хада думак разбэшчаных фондамі сацыяльнай абароны насельніцтва, рэгулярнымі дажынкамі, ільготнымі кватэрамі ў Камгорцы і заробкамі папіццот простых беларусаў. То бок для кагосьці ўтрымальніцтва становіцца нормай жыцьця, у якім на нешта каштоўнае немагчыма зарабіць - яго можна толькі атрымаць ад дзяржавы альбо выйграць у "Супэрлато". Але гэтая лёгіка няздольная забясьпечыць свайму носьбіту камфортнае існаваньне ў рэальна канкурэнтных умовах, правобраз якіх можна ўбачыць у гульні. Нават малпа напружваецца, калі хоча зьняць банан з дрэва, а не чакае пакуль фрукты падацімуць ёй у рот. Будзьце карыснымі для еБеларусі і ў адказ атрымаеце нашмат болей.
Дасьціпнае агучваньне сваіх патрабаваньняў.
Гэтаксама хацеў бы зачапіць тэму закрытасьці беларускай суполкі. Нехта ўжо мог сутыкнуцца з тым, што многіх пачаткоўцаў успрымаюць як мультыакаўнты іншага гульца. Усьведамляю, што гэткія абвінавачваньні могуць быць вам непрыемнымі і верагодна стануць адной з прычынаў сыходу з гульні, але любыя падозраньні не зьяўляюцца з пустога мейсца. У нашай краіне з рознай частасьцю то ўспыхвае, то ізноў заціхае імпэт разнастайных ТОшнікаў, то бок замежных, а часам і беларускіх гульцоў, якія праз усемагчымыя чыньнікі няздольныя гуляць сумленна, таму для задавальненьня асабістых амбіцыяў ствараюць шмат новых акаўнтаў, каб ужываць іх на выбарах для атрыманьня пэўных перавагаў для канчатковага захопу ўлады ў краіне. Часам дзеля забавы гэтыя ж ТОшнікі праз новаствораныя акаўнты ўдаюць зь сябе пачаткоўцаў, каб пакпіць са сталых гульцоў і выцягнуць зь іх нейкія рэсурсы. Рана ці позна цярпеньне лопаецца нават у памяркоўнага беларуса, таму сталым гульцам прасьцей паверыць у тое, што яны маюць справу з мультом, чым з сапраўдным чалавекам. Да таго ж гэткі падыход банальна эканоміць час.
Акрамя таго для тых, хто гуляе некалькі гадоў запар, зручней камунікаваць з даўна сфармаваным колам сяброў, таму любы "чужы" ўзрушвае здаровыя прыступы ксэнафобіі. Гэта чалавечая натура і пераадолець яе бывае праблематычна. Як мінімум пастарайцеся не ўчыняць кавалерысцкіх наскокаў з гучнымі абвінавачваньнямі на публіку - сталыя гульцы пасьля гэтага ня выпарацца як вада на Марсе, а вось вам, хутчэй за ўсё, давядзецца ствараць новы акаўнт альбо пачынаць гульню ўжо ў іншай е-краіне. Гэтаксама як і вам, нам таксама баліць за Беларусь, непрыемна бачыць яе пад любой акупацыяй, але гэта сьвет дарвінаўскае лёгікі - альбо ты, альбо цябе. Калі вы здольныя прывесьці сюды сотню новых гульцоў, то калі ласка, мы будзем радыя і змагарам, і ватнікам, і каму заўгодна яшчэ, галоўнае, каб у Беларусі панавалі самі беларусы.
Разьвіцьцё суполкі - гэта, перш за ўсё, рух насустрач. Шмат якія крыўды надуманыя і сваім упартым нежаданьнем забыцца на ніх мы тармозім разьвіцьцё нашае дзяржавы і псуем гульню адно адному. Тым ня менш, пэўныя моманты асабіста я ня ў стане прабачыць, бо заўжды існуе кропка невяртаньня, за якой выбачэньне ўжо немагчымае. Якім шляхам мы будзем разьвіваць нацыянальную суполку - адкрытае пытаньне да ўсіх вас.
Comments
V
Файны артыкул! Дзякуй! Ў🙂
Ў! Слушны артыкул
Ў! Добры гулец!
Я сюды прыходжу адпачыць, а тут такія вокаломныя сказы ў першым абзацы. 😵 Ты б яшчэ лацінкай гэта напісаў, для пачаткоўцаў. Думаю, палова з іх больш двух сказаў не асіліла ))
ЗЫЖ V/S/E
Паглядзі, у таго, каму адказваеш, Тры простыя сказы, на зразумелай мове, ды яшчэ і асноўная думка жырненькім 😉)
Ня ўмею інакш 🙁
Трэба ж неяк разьвіваць людзей 😉 а тым больш, што гэта гульня, а тым больш усе гульні прыдумваліся заўжды для разьвіцьця тых ці іншых навыкаў. Рэпаблік не выключэньне.
[removed]
Ерэпаблик не гульня, а эканамічны праект, які быў прыдуманы для эканамічнай выгады яго ўладальнікаў і аўтараў. А называюць Ерэпаблик гульнёй яе аўтары толькі каб адвесці грамадскую ўвагу ад эксплуатацыі ў эканамічных мэтах у Ерэпаблик чалавечых дэфектаў і залежнасцяў
норм напiсана, чаго ты?
Функцыянальная непісьменнасьць гэта хвароба 21 стагоддзя. Не віна аўтара, што палова людзей, як ты заўважыў, здольная ўспрымаць толькі самыя простыя сказы акуратненька пададзеныя маленькімі абзацамі й разбаўленыя вялікай колькасьцю малюнкаў.
Меня всегда умиляло, как люди, которые боятся быть оскорблёнными в интернете, свято верят, что они наилучшим образом подходят для здешней политики, что их услуги незаменимы а прекращение с ними деловых отношений воспринимается ими как кровное оскорбление.
Ещё раз: люди, которые боятся выйти из своей зоны комфорта, хотят быть политиками.
Ерепаблик всегда держался на том, что более умный подчинял себе менее умного, на людях, которые по своему усмотрению крутили тысячами человек и десятками стран, благо что, в общем-то, линия подчинения была достаточно длинной, а играть хотели все. И каждый должен был быть готовым к тому, что завтра всё поменяется и, вполне возможно, ближайшее окружение, не говоря уже о противниках, придётся послать подальше.
И меня всегда раздражали люди, уверенные в том, что им всем обязаны без причины, стоило лишь им зарегистрироваться в игре. Пожалуй, это идёт из реальности, где для того, чтобы реализовать право голоса, нужно родиться, дожить до восемнадцати и быть достаточно трезвым для похода на избирательный участок.
Здесь это не работает. Сначала добейтесь. Нет? Ваши проблемы.
Павага да людзей, да прыроды, да будучых пакаленьняў, да віртуальных гульцоў, да самога сябе etc. - вынік выхаванасці. Адсутнасць выхаванасці й культуры можа мець, у асноўным, 2 прычыны: 1. цяжкае дзяцінства. 2. фізіялагічныя адхіленні.
Я лічу, у цябе дзяцінства не было цяжкім ...
Ты сур'ёзна думаеш, што ў Беларусі ёсць пачаткоўцы ?
лол )
Ізноў ныццё.
Артыкул павінны быў гучаць так:
1) Новы гулец, нам абыякава хто ты такі ды чаго хочаш. Мы не будзем марнаваць свой час ды грошы на дапамогу, чытай гайды ў іншых краінах дзе табе дапамогуць.
2) Белсуполка для вас зачынена, бо ў нас што не другі жыхар то маскаль ды тошнік. Ты - адзін з іх, таму не крыўдуй на нас за гэта.
3) У нас сваё кола сяброў з якімі мы гуляем 3 гады, таму ты нам не сябар.
Эпілог.
Мы будзем радыя і змагарам і ватнікам, але мы ніколі не будзем мець з вамі справы. Адьос.
Адказаў на мове каб зразумелі ўсе ад добрага гульца да Лінтаса.
Напішы свой, які будзе гучаць так, як табе хочацца. У чым праблема?
Ў!
Добра напісана. Прачытаў і атрымаў задавальненне не толькі ад думак. Больш нават ад мастацкай якасьці тэкста.
Всю твою статью можно выразить одним предложением.
Одни ничего не хотят, другие ничего не должны, остальные не подлежат прощению и в этой ситуации для всех нас открылся вопрос - якім шляхам мы будзем разьвіваць нацыянальную суполку?
Ответ, конечно, напрашивается, но в последнее время твои статьи и так полны пессимизма, так что не стану усугублять.
Ну, можа ты пачнеш дапамагаць пачаткоўцам? Расказваць ім што рабіць, як правільна е-жыць, будзеш даваць ім танкі ды булкі. Глядзіш, усё закруціцца. Падай прыклад
Правительство уже организовало раздачи и молодцы те добрыя гульцы, которые не поленились это сделать. Что же касается рассказов новичкам о том, што рабіць і як правільна е-жыць, то этим бы следовало заняться министру образования Беларуси. А кто Міністр адукацыі? http://www.erepublik.com/be/country/politics/Belarus
Ну, да, прышпільнуў. Я рэальна ня ведаў, што мяне туды ўпісалі.
Але ж гутарка было пра тое, што ўрад не выконвае свае абавязкі, а тут, у адрозненьні ад РЛ, функцыі любога міністра непатрэбных спраў можа выконваць кожны грамадзянін. Ніякіх асаблівых паўнамоцтваў не патрэбна. Таму ты можаш працаваць міністрам адукаці (калі гэта так называецца) ці дэмаграфіі (як называлі раней) і паказаць усім нам клас.
Вялікі дзякуй за адказ. З моманту рэгістрацыі гэта сапраўды першы адэкватны адказ. Вельмі шкада, што першы мой вопыт знаёмства с беларускай суполкай быў звязаны з адказамі ды выказваннямі зусім іншымі, супрацьлеглымі тым якія выкладзены ў гэтым артыкуле. Я надзвычай рады, што засталіся яшчэ сярод нас людзі культурныя. Мабыць не ўсіх яшчэ нашых Добрых Гульцоў скарыў старэчы маразм. Дзякуй.
Ў! Добры гулец!
v
Ў! Дзякуй за працу!
Ў!
Як то у вас кажуть "добрые сельськагасударственный гулец" 😉
Очень много штампов)
Я стварыў акаунт пару гадоў таму, троху пагуляў ды закінуў, а цяперака ізноў вярнуўся, бо сам фармат гульні мне дужа цікавы. Дзякуй за карысны артыкул, буду паціху вывучаць тутэйшае жыцьцё. 🙂