Јас - [TashaMKD]

Day 1,970, 14:42 • Published in North Macedonia North Macedonia • by TashaMKD

[img][/img]

Јас плетев убави моменти,
шиев постелнини од воздишки на кои би спиеле,
и се обидував да ги исперам флеките од вашиот живот.
Јас готвев емоции за доручек со утринското кафе,
ги чистев невистините и ги поплнував празнините,
и се обидував да ги испеглам неправдите од вашиот живот.

А вие, сите што ме повредивте,
расплетовте се,
скинавте се,
извалкавте се,
се наситивте, и заминавте,
со празни души во светот на неправдите.

[img][/img]

Ах најмили мои, ма имам јас љубов за сите вас, и повеќе.
Јас пак ке плетам, шијам и перам нечии други животи.
по стоти пат, јас пак ке готвам, чистам и пеглам,
и најважно од се, ке создавам,
а вие рушете, мене тоа не ми пречи,
ми давате само шанса да ги усовршам моите дела.

Ниту моите сонови можете да ги срушите.
Ниту моите надежи да ги угушите.
Ниту мене можете некогаш да ме смените.
Ниту пак насмевката да ми ја земете!

Јас сум онаа од која треба да бегаш, бидејќи знам да сакам само кога љубовта ми е возвратена,
да презирам кога ме мразат, да уништам кога ќе ме повредат,
да опростам но не и да заборавам.
Кога ќе свртам нов лист не жалам за она што поминало, кога ќе направам грешка знам да признаам и да се извинам.
Знам да сонувам но знам и да остварувам.
Никогаш не им се докажувам на другите туку на самата себе си!
Љубоморните луѓе не ги приметувам бидејќи не заслужуваат ниту една минута од моето време.
Живеам за Утре, а не за Вчера и не живеам за другите, туку за себе !!!

[img][/img]